Jógakennaranám

Námið er 200 tíma jógakennaranám.  Það er viðurkennt af Jógakennarafélagi Íslands og veitir aðild að JKFÍ og alþjóðlegum jógakennararéttindum. Námið miðast einnig við kröfur Yoga Alliance.  Jógakennaranámið er fyrir alla, hvort sem þú vilt dýpka þína eigin ástundun og þekkingu á jóganu eða kenna jóga.

Om setrið er á einum fallegasta útsýnisstað Reykjanesbæjar með útsýni yfir sjóinn, fjöllin og hinn magnaða Snæfellsjökul. Við njótum þess að vera í nálægð við orku móður jarðar og kraft himins föður í allri sinni dýrð. Magnaður staður til að undirbúa  þig fyrir þær andlegu og líkamlegu umbreytingar sem fylgja því að kafa djúpt inn í huga jógans. Við leggjum mikla áherslu á að nemendur okkar læri að kenna og stunda jóga á þann hátt að það hafi umbreytandi áhrif á bæði þá sjálfa og nemendur þeirra, líkamlega, tilfinningalega og andlega.

Okkur er  mikið í mun að nemendur gera sér grein fyrir hugmyndafræðinni sem liggur á bak við það að stunda jóga. Að kyrra hugann, draga athyglina inn á við og hlusta á líkamann er mikilvæg þrenning í jóganu.  Allt sem við viljum bæta, laga og heila byrjar innra með þér. Að stunda jóga er að næra líkama og sál.

Þú stjórnar því hversu djúpt þú ert tilbúin að fara. Við leggjum mikla áheyrslu á hugleiðslu, öndun og að jógaástundun sé stunduð daglega.

Þetta nám er skemmtilegt, fræðandi, andlega þroskandi og gefandi fyrir þig og umhverfi þitt. Hvort sem að þín áheyrsla sé að stunda jóga einungis fyrir þig eða að kenna öðrum.